सैन्य खर्च गर्ने विश्वका शीर्ष १० देशहरू: अमेरिका पहिलो नं मा
काठमाडौं, असार १२ — हालै प्रकाशित स्टकहोम इन्टरनेशनल पिस रिसर्च इन्स्टिच्युट (SIPRI) को प्रतिवेदनले विश्वका शीर्ष १० सैन्य खर्च गर्ने देशहरू को नयाँ आकडा सार्वजनिक गरेको छ। प्रतिवेदन अनुसार, अमेरिका एक्लैले ९९७ अर्ब अमेरिकी डलर सैन्य क्षेत्रमा खर्च गर्दै बाँकी शीर्ष नौ सैन्य खर्च गर्ने देशहरूको संयुक्त खर्चभन्दा बढी लगानी गरेको छ।
यो कुल विश्व सैन्य खर्च को ३७% हो र यसले अमेरिका अझै पनि सैन्य बजेटमा अग्रस्थानमा रहेको पुष्टि गर्छ। पाँच देशले (अमेरिका, चीन, रुस, जर्मनी, र भारत) कुल विश्व खर्चको 60% हिस्सा ओगटेका छन् ।
विश्वका शीर्ष १० सैन्य खर्च गर्ने देशहरू
| देश | सैन्य खर्च (२०२४) | जीडीपीमा हिस्सा (%) | विश्व खर्चमा हिस्सा (%) |
|---|---|---|---|
| अमेरिका | $997 अर्ब | 3.4% | 37% |
| चीन | $314 अर्ब | 1.7% | 12% |
| रुस | $149 अर्ब | 7.1% | 5.5% |
| जर्मनी | $88.5 अर्ब | 1.9% | 3.3% |
| भारत | $86.1 अर्ब | 2.3% | 3.2% |
| बेलायत | $81.8 अर्ब | 2.3% | 3% |
| साउदी अरेबिया | $80.3 अर्ब | 7.3% | 3% |
| युक्रेन | $64.7 अर्ब | 34% | 2.4% |
| फ्रान्स | $64.7 अर्ब | 2.1% | 2.4% |
| जापान | $55.3 अर्ब | 1.4% | 2% |
विशेषगरी युक्रेन ले आफ्नो जीडीपीको ३४% रक्षा क्षेत्रमा खर्च गरेर सबैभन्दा उच्च प्रतिशत खर्च गर्ने देश बनेको छ, जसमा रूससँगको युद्धको प्रत्यक्ष प्रभाव देखिन्छ। साउदी अरेबिया र रुस ले पनि क्रमशः ७.३% र ७.१% जीडीपी रक्षा क्षेत्रमा लगानी गरेका छन्।
इरानका परमाणु केन्द्रमा अमेरिकी हवाई आक्रमण: मध्यपूर्व युद्धको संघारमा?
विश्व सैन्य खर्चको अर्थ
सैन्य खर्चको यो आकडाले बढ्दो सुरक्षा चुनौतीहरू, भूराजनीतिक तनाव र रणनीतिक प्रतिस्पर्धाको झल्को दिन्छ। दीर्घकालीन रूपमा यसले विश्व शक्ति सन्तुलनमा असर पार्ने सम्भावना प्रबल देखिन्छ।
तपाईंको प्रतिक्रिया