जोखिम स्थानीय जनजीवन : साढे चार वर्षमा २५२ जनाको मृत्यु
काठमाडौं, मंसिर १ । नेपालमा आझै धेरै ठाउमा जोखिम स्थानीय जनजीवन यथावतनै छ, जहाँ कर्णाली प्रदेशका भिरपाखा, गोरेटो र रूख झन् ‘काल’ बन्दै गएका छन्। पछिल्ला साढे चार वर्षमा २५२ जनाले भिर र रूखबाट लडेर ज्यान गुमाएका छन्। प्रदेश प्रहरी कार्यालय कर्णालीले आर्थिक वर्ष ०७८/७९ देखि ०८२/८३ को असोज मसान्तसम्मको तथ्यांक सार्वजनिक गर्दै यस्तो जानकारी दिएको हो।
तथ्यांक अनुसार भिरबाट लडेर ज्यान गुमाउनेको संख्या अत्यधिक – २१८ जना। त्यस्तै, ३४ जना रूखबाट लडेर मृत्यु भएका छन्। कर्णालीको भौगोलिक विकटता, जोखिमपूर्ण गोरेटो तथा घाँस-दाउरा संकलनजस्ता जीवन निर्वाहका गतिविधि दुर्घटना बढ्ने मुख्य कारणका रूपमा देखिएका छन्।
वर्ष–वर्षको मृत्यु दर यस्तो छ
- ०७८/०७९ : ५२ मृत्यु
- ०७९/०८० : ५३ मृत्यु
- ०८०/०८१ : ७२ मृत्यु
- ०८१/०८२ : ६२ मृत्यु
- ०८२/०८३ (असोज मसान्तसम्म) : १३ मृत्यु
समग्रमा हेर्दा दुर्घटनाको दर घटबढ भइरहे पनि जोखिम भने यथावत छ।
लैंगिक विश्लेषण : पुरुष अधिक जोखिममा
मृत्यु भएका २५२ जनामध्ये :
- १८५ पुरुष
- ५० महिला
- बाँकी बालबालिका
प्रहरीका अनुसार महिला प्रायः घाँस काट्न जाँदा जोखिममा पर्छन्, पुरुष भने निगुरो र अन्य वन पैदावार संकलनका क्रममा दुर्घटनामा पर्ने गर्छन्।
कालिकोट सबैभन्दा जोखिमपूर्ण
साढे चार वर्षमा कालिकोटमा मात्रै ४७ जनाले भिर वा रूखबाट लडेर ज्यान गुमाएका छन्।
त्यसपछिका जोखिम जिल्ला :
- जाजरकोट : ३६
- दैलेख : २४
- मुगु : १६
- रुकुम पश्चिम : उल्लेख्य संख्या
सडक तथा बाटाघाटाको अभाव, जोखिमपूर्ण गोरेटो र पहाडी भू–भागका कारण दुर्घटना उच्च हुने गरेको स्थानीय र प्रहरी दुबैको भनाइ छ।
स्थानीय जनजीवनमै जोखिम
कर्णालीका ग्रामीण क्षेत्रमा – घरपालुवा जनावरका लागि घाँस काट्ने, दाउरा बटुल्ने, भिरालो बारीमा खेती गर्ने, जोखिमपूर्ण बाटोमा यात्रा गर्ने जस्ता गतिविधि अनिवार्य छन्। यिनै कारणले भिरबाट लड्ने घटना दोहोरिएको स्थानीय जनप्रतिनिधिहरू बताउँछन्।
कालिकोट नरहरिनाथ–९ का वडाध्यक्ष प्रदीप बोहोराका अनुसार, सुरक्षित बाटो निर्माण, घाँस संकलनका वैकल्पिक उपाय र स्थानीयस्तरमा सचेतना आवश्यक छ।
नेपालमा २५ अत्यावश्यक सेवामा हडताल निषेध, सरकारद्वारा राजपत्रमा आदेश जारी
तपाईंको प्रतिक्रिया